Isch wood am 5. Määtz 1949
in Bergjisch Gladdbach (mansche saajen "Schäbbisch Gläbbisch) in
d'r Näh vunn dä öövr 2000 Joore ahlen Dom-Stadt Kölle am Ring im jooden ahlen Jermänie
jebooren. Als isch 6 Woche alt war sinn mer nach Kölle
jetrocke. Ja, damols waah isch noch sehr jung. Dann (jett später) benn
isch in Vingst unn dann in Raderbirsch opjewaachse, benn op de Realscholl
am Severinswall jejange; (unn widder jett später) hann isch dann ming
teschnische Ussbildung an dr "Nikolaus-August-Otto" Injinöör Schull
jemaat (dä Otto hätt de 4-Takt-Motor erfungge, also wenn Du hück
enn Kess met Motor unnger dr Fott hässt, dann verdankst te datt dem
aahlen Otto). De Injinöörschull heißt jetz Fachhochschule Köln; unn ming Hauptstudienrichtung
woor "Elektro Teschnick" met nem Schwerpunkt in dr Datenverarbeijtungg unn
Electroniks.
1974 hann isch dann datt Jeffers' Una
(jesproche: Junna) jehieroht, die is en leckere
Ammi die isch in Kölle kennejeliert hann. Una ess de Enkelin vum Jeffers' Robinson, datt is ne janz bekannten
amerikanischen Dichter. Una iss in nem schönen Steinhuus met dem Namen
"Tor House" opjewaachse (ne "Tor" datt is ne
rechtisch decke Steinknubbel). Datt Huus hätt nen janz staatze 40 Fuß
(12 m) huuhe Steinturm uss Granitt (do hässte watt zo schleppe) unn
dä Jroßvatter, dä Dichter, hätt datt ahl selver jebaut
und de Steijn vomm Patzifick selver ranjeschleppt. Datt Huus is glisch am
jroßen Stellen Ozean, nitt wick fott vun dä kleijne Stadt Carmel-by-the-Sea.
1976 sinn mer dann in de U.S.A.
nah Kalifornije ussjewandert, datt heisst isch benn ussjewandert, ett Una
iss nah Huss jetrocke. Für en lange Zick hammer in dä San
Francisco Bäy
Jäjend (em Silliken Wällie) am Südengk der Bucht jewunnt,
unn 2002 simmer dann noh Orejon ömjetrokke.
Bevor isch dann 1989 bei "Sun Microsystems" anfing, hann ich für
8 Joor als Engineering-Mänager bei dr Firma "Rolm" datt is ne Telekommunikations Firma
(jetz nen Teil dr Siemens AG) jearbeijt, davür 2 Joor lang bei "Spectra
Medical Systems" een Firma die Krankehuus Verwaltungs Systäme määt
und verkäuft.
För mieh alz 11 Joohr woor isch als
Mänagjer vunn verschiedener Software Entwicklungsjruppe in dr "Solaris
Opperätink Süstems" Abteilungk vunn Sun Microsystems Inc., hier
in Menlo Park, California, am brassele -- datt iss unjefähr esu 50 km
südlesch vun San Francisco fott. Zeletz wohr isch dä "Senior Mänägjer"
(datt ess dä Hauptabteilungsleiter bej Üsch) funn de "Commands
and Libraries" unn dä "Application Binary Interface" Jruppe in der Betriebssystemabteilung.
För övver 25 Joohr hann isch in
der Kompjuterbranche jebrasselt, die letzte 20 Joohr als Mänager (Abteilungsleiter).
Ävver zick November 2000 benn
isch (noh fass 11 1/2 Joohr bei Sun Microsystems) en Pängsion jejannge
(eh bessje frööh, ävver isch hann Jlöck jehatt) unn
isch freuen misch unheimlisch datt isch misch jetz full unn janz opp ming
Kunst konzentreere kann; mieh Zeichne, datt Moohle unn Kleckse, unn ett Fijüürsche
uss Bronze maache; unn natürlisch och jett in dr Welt römjöcke.
Esch benn noch jung --- unn hoffe mer datt datt noch lang esu bleev!
Im Januaa 2002 hammer uns eh neuj Hüüsje
im Staat Oregon in dr Stadt Roseburg jekoof.
Bildscher vun unserem Hüüsjer kammer hej bewundere
und och opp unsere Jaade Sigge.
Ming Steckepferdjer sinn:
In d'r Welt römjöcke -
Uns Kattze
Una's Jaade
Kunst:
Zeusch datt isch jood fingge:
Kölsch Suffe - ja jitt ett datt dann
in Amerika? - Ja da luur doch enz!
Kölsche
Sigge vun andere Lückcher
Unn noch mieh Links vunn Saachen die isch
jood finge
